Naxçıvandakı hərbi təlimdən yeni məlumat
Azərbaycan və Türkiyə Silahlı Qüvvələrinin iyunun 12-si Naxçıvanda başlayan birgə taktiki təlimləri davam edir. Mod.gov.az-ın 13 iyun məlumatına görə, Əlahiddə Ümumqoşun Ordusunun, müxtəlif güc strukturlarının və Türkiyə Silahlı Qüvvələrinin bölmələri həyəcan siqnalı ilə qaldırılaraq təlim rayonuna çıxarılıb.
Birləşmə və hissələr döyüşə hazırolma planlarına uyğun olaraq fəaliyyət göstərib, bölmələrin tam döyüşə hazırolma vəziyyətinə gətirilməsi üçün müvafiq tədbirlər görülüb.
5000 nəfərədək şəxsi heyətin, 250-dən artıq döyüş texnikası və müxtəlif təyinatlı texnikaların cəlb olunduğu təlim iyunun 16-dək davam edəcək.
