Nağd əməliyyatlara yeni qadağalar
İyunun 13-də Milli Məclis “Nağdsız hesablaşmalar haqqında” 16 dekabr 2016-cı il qanununun tətbiqi ilə əlaqədar layihələrə baxıb.
Novator.az-ın məlumatına görə, “Təhsil haqqında” qanunda dəyişikliyə əsasən, təhsil haqlarının ödənilməsi yalnız nağdsız qaydada həyata keçiriləcək.
“Turizm haqqında” qanunda yenilik turagentlərə ödəmələrin yalnız nağdsız qaydada həyata keçirilməsini nəzərdə tutur.
“Sosial müavinətlər haqqında” qanunda dəyişiklik bütün müavinət növlərinin yalnız nağdsız qaydada ödənilməsi barədədir.
“Əmək pensiyaları haqqında” qanunda yeniliyə görə, pensiyaların ödənilməsi yalnız nağdsız qaydada həyata keçiriləcək.
“Sosial sığorta haqqında” qanunda, “Məşğulluq haqqında” qanunda, “Körpələrin və erkən yaşlı uşaqların qidalanması haqqında” qanunda da analoji dəyişikliklər edilib.
“Nağdsız hesablaşmalar haqqında” qanunda dəyişikliklər isə nağdsız hesablaşmaların əməliyyat-axtarış, kəşfiyyat və əks-kəşfiyyat fəaliyyətinin subyektlərinə şamil edilməməsi barədədir.
