Dövlət qulluqçularının orta maaşı nə qədərdir?
2017-ci il yanvarın 1-nə Azərbaycanda dövlət qulluqçularının sayı 30,1 min nəfər olub, onların 28,6 faizini qadınlar təşkil edib. Novator.az-ın məlumatına görə, Dövlət Statistika Komitəsi belə hesabat yayıb.
Hesabatda qeyd olunur ki, dövlət qulluqçularının 8,1 faizi 1 ilə qədər, 27,4 faizi 1 ildən 5 ilə qədər, 20,9 faizi 5 ildən 10 ilə qədər, 16,8 faizi 10 ildən 15 ilə qədər, 26,8 faizi isə 15 il və daha çox qulluq stajına malikdir.
2017-ci il yanvarın 1-nə dövlət qulluqçularının yaş qrupları üzrə bölgüsü belə olub: 30 yaşa qədər olanlar 18,5 faiz, 30-34 yaşda 15,2 faiz, 35-44 yaşda 22,1 faiz, 45-54 yaşda 23,2 faiz, 55-62 yaşda 17,7 faiz, 63-64 yaşda 2,1 faiz, 65 və yuxarı yaşda 1,2 faiz.
Dövlət qulluğunun ştat cədvəli üzrə vəzifələri 91,2 faiz komplektləşdirilib.
Hesabata görə, dövlət qulluqçularının orta aylıq nominal əməkhaqqı 2016-cı ildə 634,3 manat olub.
