Bu il ərzaq 18,2 faiz bahalaşıb
Dövlət Statistika Komitəsi istehlak bazarında qiymətlərin dəyişməsi haqqında hesabat yayıb. Novator.az-ın məlumatına görə, hesabatda qeyd olunur ki, 2017-ci ilin yanvar-may aylarında istehlak məhsullarının və xidmətlərin qiymətləri 2016-cı ilin müvafiq dövrünə nisbətən 13,8 faiz, o cümlədən ərzaq məhsullarının qiymətləri 18,2 faiz, qeyri-ərzaq məhsullarının qiymətləri 12,5 faiz, əhaliyə göstərilən ödənişli xidmətlərin qiymətləri 9,1 faiz artıb.
Rəsmi açıqlamaya əsasən, may ayında aprel ayına nisbətən istehlak məhsulları və xidmətlər 0,2 faiz, o cümlədən qeyri-ərzaq məhsulları 0,2 faiz, əhaliyə göstərilən ödənişli xidmətlər 2,1 faiz bahalaşıb, ərzaq məhsulları 1,3 faiz ucuzlaşıb.
