5 aylıq ixrac və idxal göstəriciləri
Novator.az Dövlət Gömrük Komitəsinin rəsmi saytında 2017-ci ilin ilk 5 ayı ərzində Azərbaycandan ixrac olunan əsas malların siyahısına nəzər salıb.
Hesabata görə, yanvar-may aylarında pambıq lifinin ixracı ötən ilin ilk 5 ayı ilə müqayisədə 531,49% artıb.
Meyvə-tərəvəz ixracında 57,79%, çay ixracında 52,21%, bitki və heyvan mənşəli piylər və yağların ixracında 15,35%, plastmassa və onlardan hazırlanan məmulatların ixracında 14,97% artım qeydə alınıb.
Xam neft ixracında 9,46%, neft məhsullarının ixracında 52,68% azalma var.
Təbii qaz ixracı 383,33%, elektrik enerjisi ixracı 332,15% çoxalıb.
Kimya sənayesi məhsullarının ixracında 2016-cı ilin ilk 5 ayı ilə müqayisədə 16,92% azalma olub.
Dövlət Gömrük Komitəsi idxalda əsas mallar üzrə göstəriciləri də yayıb.
2017-ci ilin yanvar-may aylarında ət idxalında 145,51%, süd idxalında 65,36%, çay idxalında 5,07%, şəkər idxalında 1,63% artım olduğu bildirilir.
Dövlət Gömrük Komitəsi qeyd edir ki, 2016-cı ilin yanvar-may ayları ilə müqayisədə əczaçılıq məhsullarının idxalı 21,03% artıb.
Kərə yağı və süddən hazırlanmış digər yağların idxalında 5,68%, meyvə-tərəvəz idxalında 10,25%, buğda idxalında 30,44% azalma qeydə alınıb.
