Ticarət tərəfdaşları: Türkiyə liderliyi ələ alıb
Türkiyə Azərbaycanın əsas xarici ticarət tərəfdaşları arasında liderliyi ələ alıb. Novator.az-ın məlumatına görə, Dövlət Gömrük Komitəsi bildirir ki, 2017-ci ilin yanvar-may aylarında bu ölkə ilə ticarətin həcmi ümumi dövriyyənin 14,64 faizini təşkil edib.
İtaliya 14,54 faizlə ikinci, Rusiya 10,24 faizlə üçüncü tərəfdaşdır.
İxracda əsas ölkələrin siyahısında 21,23 faizlə İtaliya öndə gəlir. İdxalda əsas ölkə isə Rusiyadır (19,26 faiz).
Yanvar-may aylarında Azərbaycanın MDB ölkələrinə ixracı 2016-cı ilin ilk beş ayı ilə müqayisədə 44,37 faiz artıb. Avropa İttifaqı ölkələrinə ixracda 20,87 faiz, digər ölkələrə ixracda 78,91 faiz artım olub.
MDB ölkələrindən idxal 2016-cı ilin yanvar-may ayları ilə müqayisədə 3,93 faiz artıb. Avropa İttifaqından idxalda 27,17 faiz, digər ölkələrdən idxalda 18,25 faiz azalma var.
