“İş yerinə dair arayış” xidməti: nazirliyin yeni hesabatı
Əmək və Əhalinin Sosial Müdafiəsi Nazirliyi bildirir ki, “Elektron hökumət” portalında təqdim olunan “İş yerinə dair arayış” xidmətinə ötən ay aprel ayı ilə müqayisədə 6 faiz çox – 24482 müraciət qeydə alınıb.
“İş yerinə dair arayışın verilməsi” elektron xidmətini seçən istifadəçi prosedurlara uyğun məlumatları tam doldurduqda elektron informasiya sistemi onun sorğusunu qəbul edir. Bundan sonra o, iş yerinə dair arayışı bu sistemdən real vaxt rejimində əldə edə bilir.
İş yerinə dair arayışı aidiyyəti quruma elektron şəkildə göndərmək, həmçinin çap edərək kağız şəklində təqdim etmək mümkündür. Arayışı qəbul edən təşkilat orada əksini tapan məlumatların düzgünlüyünü, fərdi məlumatların dəqiqliyini portaldakı xüsusi xidmət vasitəsilə yoxlamaq imkanına malikdir.
“İş yerinə dair arayış” e-xidmətinə 2017-ci ilin yanvar-may aylarında 111,5 mindən çox, istifadəyə verildiyi 2014-cü ilin sonlarından bu il iyunun 1-nə qədər isə 564 392 dəfə müraciət olunub.
