Dünya çempionatı yolunda
Avropa zonasında dünya futbol çempionatının seçmə mərhələsi avqust ayından davam edəcək. C qrupunda yarışan Azərbaycan milli komandası iyunun 10-u Bakıda Şimali İrlandiyaya 0:1 uduzaraq dünya çempionatına vəsiqə almaq şansını heçə endirib.
Novator.az bildirir ki, 6 turdan sonra Almaniya 18 xalla qrup lideridir. Şimali İrlandiyanın 13, Çexiyanın 9, Azərbaycanın 7, Norveçin 4 xalı var. San Marino xalsızdır.
2018-ci ildə Rusiyada keçiriləcək final mərhələsinə qrup qalibi birbaşa vəsiqə alır, ikinci yeri tutan komanda isə bunun üçün əlavə oyunlar şansı qazanır. İkinci yer komandalara dərhal pley-offa vəsiqə vermir. Bunun üçün göstəricilərə görə qrup ikinciləri arasında səkkizliyə düşmək şərtdir. C qrupunda bu göstəricilərdə autsayder San Marino ilə oyunların nəticələri qeydə alınmayacaq.
Qalan oyunlar:
1 sentyabr
Çexiya – Almaniya
Norveç – Azərbaycan
San Marino – Şimali İrlandiya
4 sentyabr
Azərbaycan – San Marino
Almaniya – Norveç
Şimali İrlandiya – Çexiya
5 oktyabr
Azərbaycan – Çexiya
Şimali İrlandiya – Almaniya
San Marino – Norveç
8 oktyabr
Çexiya – San-Marino
Almaniya – Azərbaycan
Norveç – Şimali İrlandiya.
Son 4 tur ərəfəsində A qrupunda 13 xalla İsveç və Fransa liderlik edirlər.
B qrupunda İsveçrə 18 xalla birinci, Portuqaliya 15 xalla ikincidir.
D qrupunda öndə gedən Serbiya və İrlandiyanın 12 xalı var.
E qrupunda Polşa 16 xalla önə çıxıb, Monteneqro və Danimarkanın 10 xalı var.
F qrupunda İngiltərə 14 xalla birinci, Slovakiya 12 xalla ikinci yerdədir.
G qrupunda liderlərin – İspaniya və İtaliyanın 16 xalı var.
H qrupunda Belçika 16 xalla liderdir. Yunanıstan 12 xal toplayıb.
İ qrupunda Xorvatiya və İslandiyanın 13, Ukrayna və Türkiyənin 11 xalı var.
