Azərbaycanın ixracının 87,17 faizi neft və qazdır
Dövlət Gömrük Komitəsi yanvar-may aylarının ixrac və idxal göstəricilərini açıqlayıb. Novator.az bildirir ki, ümumi ixracın 87,17 faizi neft və qaz sektoruna aiddir. Beş ayda ixracın 72,59 faizi xam neft olub. Neft məhsulları ixracın 3 faizini, təbii qaz 11,58 faizini təşkil edib.
Hesabata əsasən, ixracın 3,46 faizi meyvə-tərəvəz, 1,7 faizi plastmassa və onlardan hazırlanan məmulatlar, 1,08 faizi alüminium və ondan hazırlanan məmulatlardır.
2017-ci ilin ilk beş ayında idxalın 21,57 faizi maşın, mexanizm, elektrik aparatları, avadanlıqlar və onların hissələri olub.
Yeyinti məhsulları ümumi həcmin 18,69 faizini təşkil edib.
Ümumi idxalın 10,09 faizi qara metallar və onlardan hazırlanan məmulatlar, 6,42 faizi nəqliyyat vasitələri və onların hissələridir.
