Kreditlərlə bağlı yeni hesabatlar
Mərkəzi Bank regionlar üzrə kredit hesabatı yayıb. Novator.az-ın məlumatına görə, kreditlərin ümumi həcmi 15,5 milyard manat göstərilir. Bu məbləğin 13,2 milyard manatı Bakı şəhərində verilib.
Bölgələr üzrə kredit göstəriciləri belədir:
Aran iqtisadi rayonu – 555,7 milyon manat
Gəncə-Qazax iqtisadi rayonu – 475,3 milyon manat
Abşeron iqtisadi rayonu – 470,1 milyon manat
Lənkəran iqtisadi rayonu – 197,7 milyon manat
Quba-Xaçmaz iqtisadi rayonu – 172,3 milyon manat
Şəki-Zaqatala iqtisadi rayonu – 150,5 milyon manat
Naxçıvan iqtisadi rayonu – 105,4 milyon manat
Dağlıq Şirvan iqtisadi rayonu – 83,8 milyon manat
Yuxarı Qarabağ iqtisadi rayonu – 38,2 milyon manat
Kəlbəcər-Laçın iqtisadi rayonu – 759,1 min manat.
Başqa bir hesabata görə, 2017-ci il mayın 1-nə Azərbaycanda vaxtı keçmiş kreditlərin məbləği 1 milyard 594 milyon manata çatıb. Problemli kreditlərin 869,2 milyon manatı xarici valyutada kreditlər olub.
Aprelin 1-nə vaxtı keçmiş kreditlərin məbləği 1 milyard 590,3 milyon manat, martın 1-nə 1 milyard 556,4 milyon manat, fevralın 1-nə 1 milyard 633,1 milyon manat, yanvarın 1-nə 1 milyard 472,6 milyon manat idi.
