İspaniyanın parçalanması yenə gündəmə gəldi
Kataloniya vilayətində İspaniyadan ayrılmaq referendumu təyin edilib. Novator.az-ın məlumatına görə, muxtar vilayətin başçısı Karles Puçdemont iyunun 9-da referendumun 2017-ci il oktyabrın 1-də keçiriləcəyini açıqlayıb.
Rəsmi Madridlə razılaşdırılmamış referendumda bir sual qoyulacaq: Kataloniyanın respublika idarə üsullu müstəqil dövlət olmasını istəyirsinizmi?
Kataloniya 1979-cu ildə muxtar vilayət statusu alıb. Ərazisi 32 min 114 kvadrat kilometrdir.
Muxtar vilayətdə 2014-cü il noyabrın 9-da keçirilmiş rəy sorğusunda iştirak edənlərin çoxu Kataloniyanın müstəqil dövlət olmasına səs verib. İspaniya hökuməti bu rəy sorğusunu qanunsuz elan edib.
2015-ci il noyabrın 9-da Kataloniya Muxtar Vilayətinin parlamenti bölgədə respublika qismində müstəqil dövlət yaradılması prosesinə qərar verib. İspaniyanın Konstitusiya Məhkəməsi qətnaməni ləğv edib.
