Tehrandakı terrorda ölənlərin sayı artıb
Novator.az xəbər verir ki, İranın paytaxtı Tehranda baş verən terror aktlarında ölənlərin sayı 17-yə çatıb.
Terror aktları iyunun 7-si saat 10:30 radələrində baş verib. Həmin gün İran parlamentinə və İran İslam Respublikasının qurucusu Xomeyninin məqbərəsinə silahlı hücum olub. İran parlamentinə tapança və avtomatla daxil olan hücumçulardan biri özünü partladıb, 3-ü isə korpuslarından birində mövqe tutaraq 5 saata qədər atışıb.
Xomeyninin məqbərəsinə silahlı hücum zamanı da bir terrorçunun özünü partlatdığı bildirilir.
Ümumilikdə 50-dən çox adam yaralandığı xəbər verilir.
İŞİD terror təşkilatı bəyanat yayaraq hər iki hücumun məsuliyyətini üzərinə götürüb.
