Müdafiə naziri reyd keçirib
Müdafiə Nazirliyinin rəhbərliyi iyunun 7-də yeni istifadəyə verilən Snayper Hazırlığı Mərkəzinə baş çəkib.
Rəsmi məlumata görə, mərkəzdə snayperlərin səhra bacarıqlarının təkmilləşdirilməsi məqsədilə real döyüş şəraitinə uyğun lazımi infrastruktur yaradılıb. İdarəetmə məntəqəsindən praktiki atış və digər hazırlıq çalışmalarını izləyən müdafiə naziri Zakir Həsənov snayperlərin döyüş vərdişlərinin artırılması ilə bağlı tapşırıqlar verib.
Həmin gün Müdafiə Nazirliyinin rəhbərliyi Hərbi Hava Qüvvələrinin təlim mərkəzlərindən birində də olub. Zakir Həsənov pilot və texniki heyətlə görüşüb, təlim mərkəzindəki mütəxəssislərin hazırlığı ilə maraqlanıb, aerodrom-texniki avadanlıqlar, trenajor və simulyasiya siniflərinə baxış keçirib.
