Milli Arxiv İdarəsi bir pəncərə sisteminə keçdi
Milli Arxiv İdarəsi quruma və onun tabeliyində fəaliyyət göstərən dövlət arxivlərinə müraciətlərin bir pəncərə sistemi qəbuluna başlayıb. İyunun 8-də yayılan rəsmi məlumata görə, qəbul Bakı şəhəri, Ziya Bünyadov prospekti, 3-də yerləşən əsas inzibati binada aparılır.
Vətəndaşların Milli Arxiv İdarəsinin göstərdiyi bütün dövlət xidmətləri üzrə müraciətləri bir pəncərə sistemi vasitəsilə qəbul edilir və cavablar da həmin sistem vasitəsilə vətəndaşa çatdırılır. Qeyd olunur ki, burada əsas prinsip arxivlərin təhlükəsizliyini və vətəndaş məmnunluğunu təmin etmək, vətəndaşların əlavə vaxt itkisinin qarşısını almaq, müraciətlərin idarə olunmasına nəzarəti daha da gücləndirməkdən ibarətdir.
Milli Arxiv İdarəsində vətəndaşların qəbulu və hazır sənədlərin verilməsi hər həftənin 1, 3 və 5-ci günləri saat 10-dan 17-dək aparılır.
