Mayda nə qədər əmlak qeydiyyata alınıb?
2017-ci ilin may ayında Azərbaycanda 17 min 251 əmlak üzərində mülkiyyət hüququ qeydə alınıb. Dövlət Əmlak Komitəsi bildirir ki, bunların 5 min 111-i ilkin, 12 min 140-ı təkrar qeydiyyatdır.
May ayında 14 min 988 daşınmaz əmlaka texniki pasport tərtib edilib, 3 min 604 ipoteka müqaviləsi, 351 yüklülük dövlət qeydiyyatına alınıb.
Hüquqi və fiziki şəxslərə dövlət reyestrindən 13 min 386 məhdudiyyət arayışı, əhaliyə xidmətlə bağlı 4 min 735 digər müxtəlif məzmunlu arayışlar verilib, 11 min 107 daşınmaz əmlak obyektinə müayinə aktı tərtib edilib.
Ötən ay mülkiyyət hüquqlarının qeydiyyatı aparılan əmlaklardan 3 min 253-ü fərdi yaşayış və bağ evi, 4 min 246-sı mənzil, 8 min 974-ü torpaq sahəsi, 671-i qeyri-yaşayış binası, 79-u əmlak kompleksi, 4-ü çoxmərtəbəli yaşayış binası, 24-ü çoxillik əkmə olub. 2016-cı ilin may ayı ilə müqayisədə fərdi evlərin qeydiyyatı 32,18 faiz, torpaq sahələrinin qeydiyyatı 8,6 faiz, mənzillərin qeydiyyatı 27 faiz, qeyri-yaşayış binalarının qeydiyyatı 53,2 faiz, çoxillik əkmələrin qeydiyyatı isə 4 dəfə artıb.
Komitə bildirir ki, bu ilin 5 ayında ölkədə ümumilikdə 77 min 966 əmlaka aid hüquqlar dövlət qeydiyyatına alınıb. Əmlak qeydiyyatının 65,7 faizi regionlarına payına düşüb.
Yanvar-may aylarında 2-si paytaxtda olmaqla 12 kütləvi çıxarış kampaniyası keçirilib, 4 iş yerində vətəndaşlara qeydiyyat xidmətləri göstərilib.
