Tehranda terror: 8 nəfər həlak olub, 33 nəfər yaralanıb
İranın paytaxtı Tehranda iyunun 7-də baş vermiş iki terror aktında 8 nəfər həlak olub, 33 nəfər yaralanıb.
Novator.az-ın məlumatına görə, parlamentə hücum çəkənlərdən biri binanın 4-cü mərtəbəsində özünü partladıb. Digər terrorçu isə küçəyə çıxaraq atəş açıb. Parlamentin binasında 7 nəfərin öldüyü bildirilir.
İmam Xomeyni türbəsinə hücum edən terrorçu kamikadzenin qadın olduğu xəbər verilir. Onun əynində içinə partlayıcı yerləşdirilmiş jilet olub. Terrorçu özünü partladıb. Daha bir basqınçını mühafizəçilər öldürüb. Burada 1 nəfərin həlak olduğu, 5 nəfərin yaralandığı deyilir.
Bəzi məlumatlara görə, parlamentə hücum edənlər 4 nəfəri girov saxlayıb.
İranın hüquq mühafizə orqanları Tehran sakinlərinə ictimai nəqliyyatdan, o cümlədən metrodan istifadə etməmək tövsiyəsi verib.
Terror aktlarına görə məsuliyyəti İŞİD öz üzərinə götürüb.
Səidə Hüseynova
