Pulsuz qaz, işıq, su ləğv olunur
Türkmənistanda pulsuz qaz, işıq, su ləğv olunur. Prezident Qurbanqulu Berdiməhəmmədov sosial-iqtisadi məsələlərə dair müşavirədə belə göstəriş verib.
İyunun 6-sı paytaxt Aşqabadda keçirilən müşavirəyə maliyyə və bank sektorunun, sosial-iqtisadi sahəyə rəsmi hökumət qurumlarının rəhbərləri qatılıb. Novator.az-ın məlumatına görə, dövlət başçısı əhaliyə sosial güzəşt sisteminin effektsiz olduğunu bəyan edərək onların ləğvinə göstəriş verib. O, ucdantutma hər kəsə güzəşt tətbiqi əvəzinə sosial yardıma gerçəkdən ehtiyacı olanları nəzərə almağı tapşırıb.
1993-cü ildən Türkmənistanda əhaliyə qaz, işıq və su pulsuz verilir. Güzəşt sistemi 1990-2006-cı illərdə hakimiyyətdə olmuş ilk prezident Saparmurad Niyazovun təşəbbüsü tətbiq edilib.
Qurbanqulu Berdiməhəmmədov 2007-ci ildən prezidentdir.
