Camaata zibili satmaq hüququ verilir
Rusiya hökuməti məişət tullantılarının təkrar emalı üçün əhalinin zibili satmasına icazə verən qanun layihəsini təsdiqləyib. Sənəd bu ay parlamentə təqdim olunacaq.
Novator.az-ın məlumatına görə, məişət tullantıları qanununa Tikinti Nazirliyinin təşəbbüsü ilə edilən dəyişiklik zibilin çeşidlənməsində güzəştli tarifin tətbiqini nəzərdə tutur. Bunun mənzil-istismar sahələrinin xərclərini azaltmağa imkan verəcəyi, 2019-cu ilə qədər tullantıların idarə olunmasında yeni sxemə keçiləcəyi gözlənir.
Qanunda yenilik ev təsərrüfatlarına məişət tullantılarını daşıyan və təkrar emal edənlərlə birbaşa satış müqaviləsi bağlamağa imkan verəcək. Buna görə lisenziya tələb edilməyəcək.
Səidə Hüseynova
