Bağda ekologiya və biologiya dərsi
Dünyanın bir çox ölkəsində biologiya və ekologiyanın tədrisi məqsədilə botanika bağlarına, dendrarilərə səyahətlərin təşkili əyləncəli-metodik layihələr əsasında həyata keçirilir.
Azərbaycan Milli Elmlər Akademiyasının Dendrologiya İnstitutunda belə layihələrin reallaşdırılması istiqamətində işlər aparılır.
İnstitutun elmi işçisi Pərvin Şıxəliyeva ekologiya və biologiyanın tədrisinin əyləncəli məşğələlər əsasında keçirilməsini təşkil edib.
İnstitutdan Novator.az-a bildiriblər ki, bu cür layihələr şagirdlərdə praktik bacarıqların daha yaхşı inkişaf etməsinə, təbiətə, təbiət fənlərinə marağın artmasına, təbiətin mühafizəsinə görə məsuliyyət hisslərinin formalaşmasına yardım göstərir.
Dendroloji parkda səyahətlərin təşkilində ekologiya və biologiya fənləri üzrə keçirilən məşğələlərin əsas məqsədi – uşaq və gənclərin özlərini təbiətin bir hissəsi kimi dərk etməsi, yerdə bütün canlıların birliyini, varlığının qorunub saxlanması istiqamətində biliklərin artırılmasıdır.
