Fəlakətin yeni rəqəmləri
Rusiya paytaxtında və Moskva ətrafında mayın 29-da baş vermiş təbii fəlakətdə xəsarət alan 31 nəfər vilayət xəstəxanalarında müalicə alır. Novator.az-ın məlumatına görə, Səhiyyə Nazirliyinin Moskva vilayət şöbəsi iyunun 6-da belə məlumat yayıb.
Bildirilir ki, xəstəxanalarda stasionar müalicə alan 31 nəfərin 4-ü uşaqdır.
Mayın 29-u gündüz Moskvada və paytaxt ətrafında güclü leysanla müşayiət olunan qasırğa əsib. Moskva vilayətində 6 nəfər, paytaxtda 10 nəfər həlak olub, 200-ə yaxın adam xəsarət alıb.
Fövqəladə Hallar Nazirliyinin məlumatına görə, paytaxtda 17 mindən çox ağac qırılıb, 285 çoxmərtəbəli yaşayış evinin və inzibati binanın damı uçub, 2 mindən artıq avtomobil əzilib.
Səidə Hüseynova
