Yenə İŞİD…
İŞİD qruplaşması Londonda törədilmiş terror aktının məsuliyyətini öz üzərinə götürüb.
İyunun 3-ü axşam 3 nəfər London körpülərinin birində mikroavtobusu kütlənin üstünə sürüb, sonra marketə hücum çəkərək adamları bıçaqlayıb. Polis hadisələri törədənləri güllələyərək öldürüb.
Novator.az-ın məlumatına görə, terror aktında 7 nəfər həlak olub, 48 nəfər xəsarət alıb. 21 nəfərin vəziyyəti ağırdır. 12 nəfər şübhəli tutulub.
İŞİD ötən ayın 22-də İngiltərənin Mançester şəhərində də terror törədib. “Mançester-Arena” stadionunda konsert zamanı Böyük Britaniya vətəndaşı Salman Abedi özünü partladıb, 22 nəfər ölüb.
