Təhsil Nazirliyi 21 mindən çox müraciət alıb
Təhsil Nazirliyinin telefon məlumat mərkəzinə (“Qaynar xətt”: 146) daxil olan zənglərin və vətəndaşların qəbulu mərkəzində göstərilən xidmətlərin statistikası açıqlanıb. Rəsmi hesabata görə, may ayında mərkəzlərə ümumilikdə 21088 müraciət daxil olub.
Telefon məlumat mərkəzində 17685 zəng qəbul edilib, vətəndaşların qəbulu mərkəzində 3403 nəfərə xidmət göstərilib.
Müraciətlərin əksəriyyəti dərhal cavablandırılıb və operativ həll olunub. Vətəndaşların qəbulu mərkəzində 1315 sənəd (547 məktub, 377 ərizə, 391 digər sənəd) qəbul olunub və qeydiyyata alınıb.
Daxil olan müraciətlər daha çox müəllimlərin yerdəyişməsi və işə qəbulu, ali təhsil sənədlərinin (diplomların) tanınması (nostrifikasiya) və müəllimlərin diaqnostik qiymətləndirilməsi ilə bağlı məsələləri əhatə edib.
