Nazir sinoptiklərə cəza tələb edir
Rusiyanın fövqəladə hallar naziri Vladimir Puçkov yanlış hava proqnozu verən sinoptikləri cəzalandırmağı təklif edib. Novator-az-ın məlumatına görə, Vladimir Puçkov təklifini iyunun 5-i nazirliyin selektor müşavirəsində irəli sürüb.
Nazir bildirib ki, hava məlumatlarında yanlışlıqları aradan qaldırmaq üçün Rusiya Hidrometeorologiya Mərkəzinin əməkdaşlarının maddi məsuliyyət daşımasını nəzərdə tutan mexanizm hazırlanmalıdır. Vladimir Puçkovun fikrincə, yalnız bu üsul sinoptikləri məsuliyyətlə çalışmağa məcbur edə bilər.
Mayın 29-u Rusiya paytaxtında və Moskva ətrafında güclü leysanla müşayiət olunan qasırğa əsib. Sinoptiklərin proqnozlaşdırmadığı təbii fəlakətdə 16 nəfər həlak olub, dövlətə və vətəndaşlara külli miqdarda maddi zərər dəyib.
Səidə Hüseynova
