Məhərrəm Əliyev nazir müavini təyin olundu
Məhərrəm Əliyev ədliyyə nazirinin müavini təyin edilib. APA-nın məlumatına görə, prezident İlham Əliyev iyunun 5-də belə sərəncam imzalayıb.
Ötən həftəyə qədər Məhərrəm Əliyev prezidentin müdafiə məsələləri üzrə köməkçisi xidmətinin müdafiə məsələləri şöbəsinin müdiri vəzifəsində işləyib. İyunun 1-i Prezident Administrasiyasının strukturu dəyişəndə həmin vəzifə ləğv olunub.
65 yaşlı Məhərrəm Əliyev 1973-cü ildən daxili işlər orqanlarında xidmət edib. 1993-cü ilin noyabrından 2007-ci ilin iyun ayınadək Bakı Şəhər Baş Polis İdarəsinin rəisi olub. 2007-2011-ci illərdə Azərbaycanın Tacikistanda fövqəladə və səlahiyyətli səfiri vəzifəsində çalışıb.
30 noyabr 2012-ci ildə prezidentin müdafiə məsələləri üzrə köməkçisi xidmətinin müdafiə məsələləri şöbəsinin müdiri vəzifəsinə təyin edilib. General-leytenantdır.
