Hakim partiya seçkidən qalib çıxıb
Maltada iyunun 3-də keçirilmiş növbədənkənar parlament seçkisi hakim Leyborist Partiyasının qələbəsi ilə başa çatıb. Novator-ın məlumatına görə, baş nazir Cozef Muskatın liderlik etdiyi partiya səslərin 55 faizini toplayaraq müxalif Millətçi Partiyanı qabaqlayıb.
43 yaşlı Cozef Muskat iyunun 5-i parlamentdə and içərək hökuməti formalaşdıracaq.
Maltada parlamentin səlahiyyətləri 5 ildir.
Ölkənin baş naziri və həyat yoldaşı Panamada ofşor kompaniya əldə etməkdə, Azərbaycan hakimiyyətindən pul almaqda günahlandırılır. Cozef Muskat bunları təkzib edir. Növbədənkənar parlament seçkisi baş nazirə korrupsiya ittihamları fonunda təyin olunub.
