Dollarda sabitlik, başqalarında yenilik
Mərkəzi Bank iyunun 5-də ABŞ dollarının kursunu 1,7021 manat səviyyəsində saxlayıb. Bu qiymət ötən həftənin son iş günü müəyyən olunub.
Digər valyutaların çoxunda yeniliklər var. Novator.az-ın məlumatına görə, avro 1,9097 manatdan 1,9177 manata qalxıb, Rusiya rublu 0,0302 manatdan 0,0301 manata düşüb.
Gürcü larisi 0,6999, ingilis funt sterlinqi 2,1906, türk lirəsi 0,4853 manata satılır (Məzənnələr).
2017-ci ilə dollar 1,7707 manatla başlayıb. Ən yuxarı rəsmi qiymət yanvarda 1,9165, fevralda 1,92, martda 1,7563, apreldə 1,7244, mayda 1,7026 manat olub.
