Cəza qüvvədə qaldı
İyunun 5-də Bakı Apellyasiya Məhkəməsi gənc fəal Qiyas İbrahimovun Bakı Ağır Cinayətlər Məhkəməsinin hökmündən şikayəti üzrə qərar çıxarıb. Məhkəmə Qiyas İbrahimovun şikayətini təmin etməyib, cəza qüvvədə qalıb.
Novator.az bildirir ki, Qiyas İbrahimov digər gənc fəal Bayram Məmmədovla birgə 2016-cı il mayın 10-da həbs edilib. Gənclər külli miqdarda narkotik vasitə saxlamaqda təqsirli biliniblər. Bakı Ağır Cinayətlər Məhkəməsi 2016-cı il oktyabrın 25-də Qiyas İbrahimovu, dekabrın 8-də isə Bayram Məmmədovu 10 il müddətinə azadlıqdan məhrum edib.
Müdafiəçiləri hər iki gəncin siyasi sifarişlə tutulduğunu iddia edirlər. Bildirilir ki, mayın 10-na gecə Bakının mərkəzində Heydər Əliyevin abidəsinin üzərində etiraz şüarları yazılıb, gənclər bu şüarlara görə tutulub.
