Krallıq davam edir
İspaniyanın “Real” klubu 12-ci dəfə UEFA Çempionlar Liqasının qalibi olub. 2016-2017 mövsümünün finalı iyunun 3-ü Uelsin paytaxtı Kardiffdə keçirilib. “Real” Avropanın ən böyük klub turnirinin yekun matçında İtaliyanın “Yuventus” komandasına üstün gəlib – 4:1.
Novator.az bildirir ki, 1991-1992 mövsümünədək Çempionlar kuboku adlanmış turnirdə “Real” əvvəllər 11 dəfə zirvəyə qalxmışdı.
“Yuventus” 2 dəfə turnirin qalibi olub.
1955-ci ildə yaradılmış turnirdə daha 20 komanda titul əldə edib: “Milan” (İtaliya) – 7 dəfə, “Bavariya” (Almaniya), “Barselona” (İspaniya), “Liverpul” (İngiltərə) – 5, “Ayaks” (Hollandiya) – 4, “İnter” (İtaliya), “Mançester Yunayted” (İngiltərə) – 3, “Benfika” (Portuqaliya), “Nottingem Forest” (İngiltərə), “Portu” (Portuqaliya) – 2, “Aston Villa” (İngiltərə), “Borussiya” (Dortmund, Almaniya), “Hamburq” (Almaniya), “Marsel” (Fransa), PSV (Hollandiya), “Seltik” (Şotlandiya), “Styaua” (Rumıniya), “Feyenoord” (Hollandiya), “Srvena Zvezda” (Serbiya), “Çelsi” (İngiltərə) – 1.
