Ehtiyat və satış hesabatları
Mərkəzi Bankın valyuta ehtiyatı və pul bazası artıb. Novator.az bildirir ki, yeni hesabata əsasən, iyunun 1-nə valyuta ehtiyatının həcmi 4 milyard 825,4 milyon dollara, pul bazasının həcmi 7 milyard 788,7 milyon manata çatıb.
Mayın 1-nə valyuta ehtiyatı 4 milyard 619,3 milyon dollar, pul bazası 7 milyard 628,1 milyon manat həcmində idi.
Bir ayda valyuta ehtiyatında 206,1 milyon dollar, pul bazasında 160,6 milyon manat artım qeydə alınıb.
Dövlət Neft Fondu isə hesabat yayaraq qeyd edib ki, may ayı ərzində valyuta hərraclarında 300,3 milyon ABŞ dolları məbləğində vəsait satılıb.
Novator.az bildirir ki, Mərkəzi Bankın ötən beş ayda keçirdiyi hərraclarda satışın ümumi həcmi 1 milyard 314,5 milyon ABŞ dolları olub.
Yanvarda Dövlət Neft Fondundan 285 milyon dollar, fevralda 258,4, martda 250 milyon dollar, apreldə 220,8 milyon dollar alınmışdı.
