Üç aylıq müayinələrdə nələr üzə çıxıb?
Azərbaycan əhalisinin üç ay davam edən tibbi-profilaktik müayinəsi başa çatıb. Novator.az-ın məlumatına görə, Səhiyyə Nazirliyi bildirir ki, fevralın 15-dən mayın 15-dək 5,5 milyon nəfər müayinə edilib.
Bakı şəhərində 1,3 milyon nəfərin sağlamlıq göstəriciləri yoxlanıb.
Ölkə üzrə müayinədən keçirilənlərdən təxminən 2 milyon nəfəri təkrar tibbi yoxlanışlara cəlb olunub, 68,4 min nəfər dispanser nəzarətinə alınıb, 27 min nəfər hospitalizasiya olunub.
Müayinələr nəticəsində aşkar olunan xəstəliklərin 17,2 faizi ürək, 16,8 faizini tənəffüs sistemi, 11,7 faizini həzm sistemi xəstəlikləri təşkil edib.
