Müdafiə Nazirliyinin rəhbərliyi cəbhə bölgəsinə baş çəkib
Mod.gov.az-ın 2 iyun məlumatına görə, Müdafiə Nazirliyinin rəhbər heyəti cəbhə boyu zonada yerləşən hərbi hissələrdə olub. Nazirliyin rəhbərliyi Füzuli rayonunun Horadiz şəhərində ötən ilin aprel ayında Lələtəpə döyüşlərində şəhid olmuş hərbi qulluqçuların xatirəsinə ucaldılmış kompleksi ziyarət edib.
Ön xətdə düşmənlə üzbəüz səngərlərdə döyüş növbəsi çəkən şəxsi heyətlə görüşən müdafiə naziri general-polkovnik Zakir Həsənov qarşı tərəfi müşahidə edib, ərazidəki əməliyyat şəraiti və müdafiə zolağındakı vəziyyətlə tanış olub.
Cəbhə xəttində yerləşən hərbi hissələrdən birində yeni inşa edilmiş hamam-camaşırxana, qazanxana kompleksinin və ərzaq anbarının açılışından sonra nazirliyin rəhbər heyəti hərbi qulluqçuların döyüşə hazırlıq səviyyəsini və mənəvi-psixoloji vəziyyətini yoxlayıb, sosial-məişət şəraiti ilə maraqlanıb.
