Uşaqlarla bağlı hesabat
İyunun 1-i Uşaqların Beynəlxalq Müdafiə Günüdür. Rəsmi hesabata görə, 2017-ci il aprelin 1-nə Əmək və Əhalinin Sosial Müdafiəsi Nazirliyi müharibə əlilləri və şəhid ailələrinin 17293 nəfər, I və II qrup Çernobıl əlillərinin 635 nəfər, müddətli hərbi xidmət qulluqçularının 192 nəfər uşağını aylıq sosial müavinətlə təmin edir.
Ünvanlı dövlət sosial yardımı alan ailələrdəki ailə üzvlərinin 48,4 faizi uşaqlardır. Sosial yardımdan əlavə olaraq həmin aztəminatlı ailələrdəki 1 yaşınadək uşaqların (3243 nəfər) hər birinə görə aylıq sosial müavinət də ödənir.
2017-ci il aprelin 1-nə beşdən çox uşağı olan qadınların 18 yaşına çatmamış ümumilikdə 8926 nəfər uşağının hər birinə görə aylıq sosial müavinət verilir.
Ailə başçısını itirməyə görə 24250 ailəyə aylıq sosial müavinət, 118 167 ailəyə isə aylıq əmək pensiyası ödənilir. Həmin ailələrdəki ailə üzvlərinin böyük əksəriyyətini uşaqlar təşkil edir.
