Prezidentlik başladı
Mayın 31-də Serbiyanın yeni prezidenti Aleksandr Vuçiç səlahiyyətlərinin icrasına başlayır. Novator.az-ın məlumatına görə, bu səbəbdən ölkə parlamenti Aleksandr Vuçiçin baş nazir postundan istefasını qəbul edib. Yeni hökumət bir ay ərzində formalaşdırılacaq.
Mayın 31-dək prezident postunu Tomislav Nikoliç tuturdu.
Aleksandr Vuçiç aprelin 2-də prezident seçilib. O, 1970-ci ildə Belqradda anadan olub. Belqrad Universitetinin hüquq fakültəsini bitirib. 1994-2008-ci illərdə Serb Radikal Partiyasının baş katibi olub.
1998-ci ildə Yuqoslaviyanın informasiya naziri postunu tutub, sonradan parlamentin deputatı seçilib.
2008-ci ildə qurulmuş Serb Tərəqqi Partiyasının lideri olan Aleksandr Vuçiç 2012-ci ildən Serbiya hökumətində müxtəlif rəhbər vəzifələr tutub, 2014-cü ildən isə baş nazir idi.
Səidə Hüseynova
