Qasırğada 14 min ağac qırılıb
Rusiya paytaxtında və Moskva ətrafında mayın 29-da baş vermiş təbii fəlakətdə 243 evin dam örtüyünə, 135 işıq dirəyinə, 2 mindən çox avtomobilə ziyan dəyib. Novator.az-ın məlumatına görə, Moskva meri Sergey Sobyanin mayın 30-da belə açıqlama yayıb.
Mayın 29-u gündüz Moskvada və paytaxt ətrafında güclü leysanla müşayiət olunan qasırğa əsib. Moskva vilayətində 5 nəfər, paytaxtda 11 nəfər həlak olub, 100-dən çox adam xəstəxanalarda müalicə alır.
Sobyanin açıqlamasında paytaxtda 14 min ağacın qırıldığını qeyd edib.
Moskva meri fəlakətin nəticələrinin aradan qaldırılması üçün 30 min canlı qüvvənin və 5 min texnikanın cəlb olunduğunu bildirib.
Səidə Hüseynova
