Ölənlərin sayı 16-ya çatıb
Rusiya paytaxtında və Moskva ətrafında mayın 29-da baş vermiş təbii fəlakətlə bağlı yeni rəqəmlər açıqlanıb. Novator.az-ın məlumatına görə, Moskva vilayətində 5 nəfərin həlak olduğu, 34 nəfərin xəsarət aldığı bildirilir.
Moskvanın özündə 11 nəfər həlak olub, 108 nəfər xəstəxanalarda müalicə alır.
Mayın 29-u gündüz Moskvada və paytaxt ətrafında güclü leysanla müşayiət olunan qasırğa əsib. Küləyin sürəti bəzi məqamlarda saniyədə 28-30 metrə çatıb.
Fəlakətdə 3 min 500-dən çox ağac qırılıb, 1500 avtomobilə ziyan dəyib, 140 çoxmərtəbəli evin və inzibati binanın damı uçub.
Moskva meri Sergey Sobyanin həlak olanların ailələrinə 1 milyon rubl yardım veriləcəyini bəyan edib.
