Moskvada fəlakət hesablaması
Rusiyanın paytaxtı Moskvada mayın 29-da baş vermiş təbii fəlakətin nəticələri barədə yeni məlumat yayılıb. Novator.az bildirir ki, mayın 30-u səhər saatlarına olan xəbərə görə, tufanda 11 nəfər həlak olub, 146 nəfər xəstəxanaya yerləşdirilib.
Rəsmi məlumata əsasən, 108 nəfərin, o cümlədən 22 uşağın müalicəsi davam edir. 8 nəfərin vəziyyətinin çox ağır olduğu bildirilir.
Mayın 29-u gündüz Moskvada güclü leysanla müşayiət olunan qasırğa əsib. Küləyin sürəti saniyədə 16 metrə çatıb.
Fəlakətdə 3 min 500 ağac qırılıb, kommunikasiya xətlərinə, avtomobillərə ziyan dəyib, nəqliyyatın hərəkətində problemlər yaranıb, bəzi aviasiya reysləri təxirə düşüb.
