Avropanın çempionları
Yola saldığımız həftə Türkiyənin milli futbol çempionatında 2016-2017 mövsümünün qalibi müəyyənləşib. Sona 1 tur qalmış “Beşiktaş” 74 xalla zirvəni birdəfəlik fəth edib. “Başakşəhər” 70 xalla ikincidir və rəqibinə çatmaq şansını itirib.
Novator.az bildirir ki, 2016-2017 mövsümündəki zəfər “Beşiktaş”ın 15-ci çempionluğudur. İstanbul klubu 1958, 1959, 1960, 1966, 1967, 1982, 1986, 1990, 1991, 1992, 1995, 2003, 2009, 2016-cı illərdə də qızıl medallara sahib çıxıb.
Avropada çempionatı payız-yaz sistemi ilə keçirilən ölkələrin böyük əksəriyyətində mövsümün qalibi müəyyənləşib. Yalnız Polşa və Moldovada çempionun kimliyinə hələ aydınlıq gəlməyib.
Novator.az bildirir ki, İspaniyada “Real”, Almaniyada “Bavariya”, İngiltərədə “Çelsi”, İtaliyada “Yuventus”, Portuqaliyada “Benfika”, Fransada “Monako”, Rusiyada “Spartak” (Moskva), Ukraynada “Şaxtyor”, Belçikada “Anderlext”, Hollandiyada “Feyenoord”, İsveçrədə “Bazel”, Çexiyada “Slaviya”, Yunanıstanda “Olimpiakos”, Rumıniyada “Viitorul”, Avstriyada “Zalsburq”, Xorvatiyada “Riyeka”, Kiprdə APOEL, İsraildə “Hapoel” (Beer-Şeva), Danimarkada “Kopenhagen”, Şotlandiyada “Seltik”, Serbiyada “Partizan”, Bolqarıstanda “Ludoqorets”, Sloveniyada “Maribor”, Slovakiyada “Jilina”, Macarıstanda “Honved”, Bosniyada “Zrinski”, Albaniyada “Kukesi”, Makedoniyada “Vardar”, Lüksemburqda “Düdelanj”, Monteneqroda “Buduçnost”, Şimali İrlandiyada “Linfild”, Ermənistanda “Alaşkert”, Maltada “Hibernians”, Uelsdə “Nyu Sents”, Cəbəllütariqdə “Europa”, Andorrada “FC Santa Koloma”, San Marinoda “La Fiorita”, Kosovoda “Trepça 89” çempiondur.
