“Qarabağ”, “İnter”, “Zirə” və “Qəbələ”nin mümkün rəqibləri
UEFA klub turnirlərinin 2017-2018 mövsümü iyunun 27-də start götürür. İyunun 19-da Çempionlar Liqası və Avropa Liqasının ilk iki seçmə mərhələlərinin püşkü atılacaq.
Azərbaycanın “Qarabağ” komandası Çempionlar Liqasında mübarizəyə ikinci seçmə mərhələdən qoşulur. Novator.az bildirir ki, “Qarabağ”ın potensial rəqiblərinin ilkin siyahısında “Dandolk” (İrlandiya), “Vardar” (Makedoniya), “Düdelanj” (Lüksemburq), “Kukesi” (Albaniya), “Mariehamn” (Finlandiya), “Spartaks” (Latviya), “Samtredia” (Gürcüstan) komandalarının adları yer alır.
“İnter” və “Zirə” Avropa Liqasına ilk raunddan başlayır. Bu komandaların ilk rəqibləri “Qoritsa” (Sloveniya), “Mladost” (Serbiya), “Şemrok Rovers”, “Kork Siti”, “Derri Siti” (İrlandiya), “Partizani” (Albaniya), “Dinamo” (Batumi), “Çixura”, “Torpedo” (Gürcüstan), “Vaşaş” (Macarıstan), “Atlantas”, “Suduva” (Litva) komandaları ola bilər.
Avropa Liqasına ikinci raunddan qoşulacaq “Qəbələ”nin ilk rəqibləri siyahısında İsrailin “Bney Yehuda”, İsveçin “Estersunds” komandalarının adına rast gəlmək mümkündür.
