Neft hasilatının liderləri
Novator.az 2016-cı il üzrə neft hasilatı rəqəmlərinə nəzər salıb. Globalfirepower.com-da yer alan siyahının ilk pilləsində günə 10,1 milyon barrel hasilatla Rusiya dayanıb.
Səudiyyə Ərəbistanı 9,7 milyon barrellə ikinci, ABŞ 8,6 milyon barrellə üçüncü olub.
İlk onluqda bu ölkələr də var:
Çin – 4,2 milyon barrel
Kanada – 3,6 milyon barrel
İraq – 3,7 milyon barrel
İran – 3,2 milyon barrel
Birləşmiş Ərəb Əmirlikləri – 2,8 milyon barrel
Küveyt – 2,6 milyon barrel
Venesuela – 2,5 milyon barrel.
Azərbaycan 2016-cı il üzrə neft hasilatında 21-ci yerdə göstərilib, ölkənin gündə 845,9 min barrel neft hasil etdiyi bildirilir.
Novator.az xatırladır ki, iri neft ölkələrini birləşdirən OPEK bu il yanvarın 1-dən gündəlik hasilatı iyulun 1-dək 1,2 milyon barrel azaldıb. Təşkilata daxil olmayan ölkələr hasilatı 558 min barrel düşürüb. Azərbaycan gündəlik hasilatı 35 min barrel azaltmağa razı olub.
Mayın 25-də OPEK neft hasilatının azaldılması barədə sazişin müddətini 2018-ci il aprelin 1-dək uzadıb. Təşkilata daxil olmayan 11 ölkə, o cümlədən Azərbaycan bu razılaşmaya qoşulub.
