Hasilat qərarının ardınca qiymətlər düşdü
Dünya birjalarında neft ucuzlaşıb. Nyu-York birjasında “Layt” markalı neftin bir barreli 48,50 dollara, London birjasında “Brent” markalı neftin bir barreli 51,12 dollara düşüb.
AZƏRTAC-ın 26 may məlumatına görə, 99 sent ucuzlaşan “AzəriLayt” markalı neftin bir barreli 53,98 dollara satılır.
Novator.az xatırladır ki, mayın 25-də iri neft ölkələrini birləşdirən OPEK neft hasilatının azaldılması barədə sazişin müddətini 2018-ci il aprelin 1-dək uzadıb. Təşkilata daxil olmayan 11 ölkə, o cümlədən Azərbaycan bu razılaşmaya qoşulub.
OPEK bu il yanvarın 1-dən gündəlik hasilatı iyulun 1-dək 1,2 milyon barrel azaldıb. Təşkilata daxil olmayan ölkələr hasilatı 558 min barrel düşürüb. Azərbaycan gündəlik hasilatı 35 min barrel azaltmağa razı olub.
