Gözəl Bayramlı saxlanıb
AXCP sədrinin müavini Gözəl Bayramlı mayın 25-i axşam Qazaxda, sərhəd məntəqəsində saxlanıb. Gürcüstandan qayıdan Gözəl Bayramlının çantasından iri məbləğdə qanunsuz ABŞ dollarının çıxdığı bildirilir.
Rəsmi qurumların əməkdaşlarının Gözəl Bayramlını dindirdiyi, sonra onun Şəmkirə, Sərhəd Qoşunlarının qərargahına aparıldığı qeyd olunur.
55 yaşlı Gözəl Bayramlı xalq hərəkatı fəalıdır. AXCP-nin ümumi şöbəsinin müdiri olub. 2010-cu ildən AXCP sədrinin müavini, Ali Məclisin Rəyasət Heyətinin üzvüdür.
