Cümhuriyyət ziyarəti
Mayın 26-da prezident İlham Əliyev Bakının İstiqlaliyyət küçəsində Azərbaycan Xalq Cümhuriyyəti abidəsini ziyarət edib. Dövlət başçısı abidənin önünə əklil qoyub.
Ziyarət mayın 28-də qeyd olunan Respublika Günü ilə bağlıdır. Mayın 28-də müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 99 ili tamam olur. 1918-ci il may ayının 28-də Azərbaycanın istiqlal bəyannaməsi qəbul edilib. Müstəqil respublika 1920-ci ilin aprel ayındakı bolşevik işğalınadək yaşayıb.
