President.az konstitusiyanın yeni variantını dərc etdi
Bu il yanvarın 5-də və aprelin 4-də Novator.az bəzi dövlət saytlarında Azərbaycan Konstitusiyasının yeni variantının yerləşdirilməməsinə diqqət çəkmişdi.
Ötən il sentyabrın 26-da keçirilmiş referendumda Azərbaycan Konstitusiyasına əlavə və dəyişikliklər edilib. Oktyabrın 12-də referendum aktı qüvvəyə minib və Azərbaycan Konstitusiyasının yeni variantı normativ hüquqi aktların vahid internet elektron bazasında dərc olunub.
Ancaq bəzi rəsmi saytlarda, o cümlədən dövlət başçısının rəsmi saytı President.az-da konstitusiyanın köhnə variantı qalmaqda idi.
Mayın 25-də bir daha monitorinq aparan Novator.az müəyyən edib ki, nəhayət, President.az konstitusiyanın yeni variantını dərc edib.
Fəaliyyət sahəsi normativ hüquqi aktlarla sıx bağlı olan Ədliyyə Nazirliyinin Justice.gov.az saytında isə hələ də ana qanunun 26 sentyabr 2016-cı il referendumuna qədər olan variantı qalır. Halbuki Azərbaycan Konstitusiyasının yeni variantı 2016-cı il oktyabrın 12-dən, 8-ci aydır qüvvədədir.
