Neft hasilatı ilə bağlı razılaşmanın müddəti uzadıldı
Mayın 25-i Avstriyanın paytaxtı Vyanada iri neft ölkələrini birləşdirən OPEK-in Nazirlər Şurasının iclası keçirilib.
Novator.az-ın məlumatına görə, iclasda neft hasilatının azaldılması barədə sazişin müddəti 2018-ci il aprelin 1-dək uzadılıb. Təşkilata daxil olmayan 11 ölkə, o cümlədən Azərbaycan bu razılaşmaya qoşulub.
OPEK bu il yanvarın 1-dən gündəlik hasilatı iyulun 1-dək 1,2 milyon barrel azaldıb. Təşkilata daxil olmayan ölkələr hasilatı 558 min barrel düşürüb. Azərbaycan gündəlik hasilatı 35 min barrel azaltmağa razı olub.
25 may iclasında OPEK-ə yeni üzv də qəbul edilib. Ekvatorial Qvineya qurumun 14-cü üzvü olub.
OPEK-in digər üzvləri bu ölkələrdir: Səudiyyə Ərəbistanı, İran, İraq, Küveyt, Birləşmiş Ərəb Əmirlikləri, Qətər, Əlcəzair, Liviya, Nigeriya, Qabon, Anqola, Ekvador, Venesuela.
