Nazirlik 4 ayda 6,3 min nəfərdən çox şəxsə xidmət göstərib
Əmək və Əhalinin Sosial Müdafiəsi Nazirliyi bu ilin yanvar-aprel aylarında əlilliyi olan 6314 nəfəri bərpa-müalicə və protez-ortopedik xidmətlərlə təmin edib. Rəsmi hesabata görə, 2612 nəfərə nazirliyin Bakıda və ayrı-ayrı bölgələrdə fəaliyyət göstərən bərpa mərkəzlərində stasionar şəraitdə bərpa-müalicə xidmətləri göstərilib.
3702 nəfər əlilliyi olan şəxs isə protez-ortopedik bərpa xidmətləri ilə təmin olunublar. Onlara dayaq-hərəkət sisteminin itirilmiş funksiyalarının bərpası məqsədilə ümumilikdə 9355 protez-ortopedik məmulat və reabilitasiya vasitəsi verilib.
