Ermənistanın ixracı 16,1% artıb
2017-ci ilin yanvar-aprel aylarında Ermənistanın ixracı 2016-cı ilin ilk dörd ayı ilə müqayisədə 16,1% artaraq 608,4 milyon dollara çatıb. Novator.az-ın məlumatına görə, Milli Statistika Xidməti belə hesabat yayıb.
Hesabata əsasən, 2017-ci ilin ilk dörd ayında idxalda 14,6% artım olub. Yanvar-aprel aylarında Ermənistanın 1,08 milyard dollar həcmində məhsul idxal etdiyi bildirilir.
Dörd aylıq ticarət əməliyyatlarının həcmi 1,689 milyard dollar göstərilir. Qeyd olunur ki, bu, 2016-cı ilin yanvar-aprel ayları ilə müqayisədə 15,1% çoxdur.
Hesabata görə, ötən ay Ermənistanın ixracı 16,4%, idxalı 2,6% artıb.
