3 ildə 1000 nəfərə dağınıq skleroz diaqnozu qoyulub
Səhiyyə Nazirliyi bildirir ki, 2013-2016-cı illər ərzində dağınıq skleroz xəstəliyinin müalicəsi, profilaktikası və onunla mübarizə tədbirləri proqramı çərçivəsində 1240-dan çox xəstə müayinə olunub. Novator.az-ın məlumatına görə, rəsmi hesabata əsasən, 1000 nəfərə dağınıq skleroz diaqnozu qoyulub və onlar dövlət hesabına müvafiq preparatlarla tam təmin edilir. 100-dən artıq xəstə dinamik müşahidəyə götürülüb.
Dağınıq skleroz xəstəliyi nevroloji simptomatikalı, mərkəzi və periferik sinir sisteminin çox ocaqlı pozulması ilə müşayiət olunan, proqressivləşən gedişli xroniki xəstəlikdir.
Prezidentin 13 noyabr 2012-ci ildə verdiyi sərəncamla ölkədə “Dağınıq skleroz xəstəliyinin müalicəsi, profilaktikası və onunla mübarizə tədbirlərinə dair dövlət proqramı” təsdiq edilib.
25 may Beynəlxalq Dağınıq Skleroz Günüdür.
