Özünü partladanın şəxsiyyəti məlumdur. Bir nəfər tutulub
İngiltərənin Mançester şəhərində polis 22 may terrorunda şübhəli bilinən bir nəfəri saxlayıb. 23 yaşı olduğu bildirilən oğlanın adı açıqlanmır.
Mayın 22-si gecə 11-in yarısında “Mançester-Arena” stadionunda konsert zamanı bir nəfər özünü partladıb. Novator.az bildirir ki, son məlumata görə, partlayışda 22 nəfər ölüb, 59 nəfər xəsarət alıb. 7 yeniyetmənin və 8 yaşlı bir qız uşağının itkin düşdüyü bildirilir.
Hüquq mühafizə orqanlarının “Mançester-Arena”da özünü partladan adamın şəxsiyyətini müəyyən etdiyi qeyd olunur. Ancaq istintaq getdiyi üçün əlavə bilgi verilmir.
