Oyunların qızıl yekunları
IV İslam Həmrəyliyi Oyunları mayın 22-si Bakı Olimpiya Stadionunda təntənəli mərasimlə başa çatıb. İki həftə davam edən yarışlara 54 ölkəni təmsil edən 3 mindən çox idmançı, 2000-dək komanda rəsmisi və texniki nümayəndə qatılıb. İdmanın 24 növü üzrə keçirilən yarışlarda atletlər 269 dəst medal uğrunda mübarizə aparıblar.
Novator.az-ın məlumatına görə, Azərbaycan idmançıları Bakıda keçirilən İslam Həmrəyliyi Oyunlarında 75 qızıl medal əldə ediblər. Daha 25 ölkənin idmançıları zirvəni fəth edib:
Türkiyə – 71 qızıl medal
İran – 39
Özbəkistan – 15
Bəhreyn – 12
Əlcəzair, Mərakeş – 7
İndoneziya, Misir – 6
Qırğızıstan, Səudiyyə Ərəbistanı – 4
İordaniya – 3
İraq, Qazaxıstan, Türkmənistan, Qətər, Nigeriya, Suriya – 2
Tunis, Kamerun, Banqladeş, Seneqal, Qambiya, Benin, Qvineya-Bisau, Mozambik – 1.
