Dörd aylıq iş yeri hesabatı
2017-ci ilin yanvar-aprel aylarında Azərbaycanda 86,4 min yeni, o cümlədən 79,6 min daimi iş yeri açılıb. Dövlət Statistika Komitəsindən AZƏRTAC-a belə deyiblər. Hesabata görə, yeni iş yerlərinin 87,5 faizini qeyri-dövlət sektoru təqdim edib.
Yeni iş yerlərinin 23,1 faizi Bakı şəhərinin, 0,7 faizi Naxçıvan Muxtar Respublikasının, 76,2 faizi regionların payına düşüb.
Daimi iş yerlərinin 5,8 faizi yeni müəssisə və təşkilatlarda, 13,2 faizi mövcud müəssisə və təşkilatlarda, 0,9 faizi fəaliyyətini bərpa etmiş müəssisə və təşkilatlarda, 80,1 faizi isə fərdi sahibkarlıq subyektlərinin təşəbbüsü ilə yaradılıb.
Hüquqi şəxslərin yaratdığı daimi iş yerlərinin 24,3 faizi ticarət, nəqliyyat vasitələrinin təmiri, 20 faizi tikinti, 8,4 faizi emal sənayesi, 6,6 faizi su təchizatı, tullantıların təmizlənməsi və emalı, 6,1 faizi nəqliyyat və anbar təsərrüfatı, 5,9 faizi dövlət idarəetməsi və müdafiə, sosial təminat, 4,9 faizi daşınmaz əmlakla əlaqədar əməliyyatlar, 4,3 faizi turistlərin yerləşdirilməsi və ictimai iaşə, 3,8 faizi inzibati və yardımçı xidmətlərin göstərilməsi, 15,7 faizi isə digər iqtisadi fəaliyyət növləri üzrə açılıb.
